एएनआय, नवी दिल्ली. Vijay Mallya Nirav Modi Case Updates: फरार उद्योगपती नीरव मोदी, संजय भंडारी आणि विजय मल्ल्या यांच्यावर कारवाई करण्याबाबत केंद्र सरकार अॅक्शन मोडमध्ये आले आहे. फरार उद्योगपतींना भारतात आणण्यासाठी केंद्रीय अन्वेषण विभाग, अंमलबजावणी संचालनालय आणि राष्ट्रीय तपास संस्थेच्या अधिकाऱ्यांचे उच्चस्तरीय पथक ब्रिटनला जाणार असल्याचे सूत्रांनी सांगितले.
फरारी व्यावसायिकांवर कडक कारवाई केली जाईल
एएनआय या वृत्तसंस्थेने सूत्रांच्या हवाल्याने म्हटले आहे की, संरक्षण व्यापारी संजय भंडारी, हिरे व्यापारी नीरव मोदी आणि विजय मल्ल्या यांच्यासह भारतातील वाँटेड फरारी व्यावसायिकांच्या प्रत्यार्पणाला गती देण्यासाठी टीम लवकरच ब्रिटनला रवाना होणार आहे.
विजय मल्ल्या 2016 मध्ये ब्रिटनला पळून गेला होता. भारतातील किंगफिशर एअरलाइन्सला अनेक बँकांनी दिलेल्या ९,००० कोटी रुपयांच्या कर्जाची रक्कम न भरल्याप्रकरणी तो वॉन्टेड आहे.
